Psa 107 | VulgJ | STEP | canticum psalmi David canticum psalmi David

Psalms 107

1 canticum psalmi David ^va 2 paratum cor meum Deus paratum cor meum cantabo et psallam in gloria mea ^va 3 exsurge psalterium et cithara exsurgam diluculo ^va 4 confitebor tibi in populis Domine et psallam tibi in nationibus ^va 5 quia magna super caelos misericordia tua et usque ad nubes veritas tua ^va 6 exaltare super caelos Deus et super omnem terram gloria tua ^va 7 ut liberentur dilecti tui salvum fac dextera tua et exaudi me ^va 8 Deus locutus est in sancto suo exaltabor et dividam Sicima et convallem tabernaculorum dimetiar ^va 9 meus est Galaad et meus est Manasse et Effraim susceptio capitis mei Iuda rex meus ^va 10 Moab lebes spei meae in Idumeam extendam calciamentum meum mihi alienigenae amici facti sunt ^va 11 quis deducet me in civitatem munitam quis deducet me usque in Idumeam ^va 12 nonne tu Deus qui reppulisti nos et non exibis Deus in virtutibus nostris ^va 13 da nobis auxilium de tribulatione quia vana salus hominis ^va 14 in Deo faciemus virtutem et ipse ad nihilum deducet inimicos nostros

^va